ઇવા

 ઇવાબેન જાગે રે
ટૂથબ્રશને તાકે રે

માં મિનીટ ગણતી
ઈવા દૂધ ચણતી

માં સરકારી માસ્તર
ઈવાને ખીજની ફિકર

ફિકરની તો ફાકી ભરાય
ઝપ્પી સામે ખીજ હરાય

આવા નુસખા હસ્તગત
ઈવા જન્મજાત તથાગત

આખરે બેનબા તૈયાર થયાં
નિશાળ ભણી રમતાં થયાં

2
ઈવાબેન ઊંઘે રે
સપનું એને સૂંઘે રે

સપનામાં દોડમદોડા રે
વરરાજા પડ્યા મોડા રે

મોડા પડે તે નાચે રે
વાદળાં સંગાથે રે

વાદળિયું ખૂબ દોટે રે
છાયાવાર્તા લપેટે રે

વાર્તા લાંબી ચાલી રે
નિંદર લાગે વ્હાલી રે