વિદ્યાનગર

આણંદથી પરવારી
સમીસાંજે
વિદ્યાનગર વહો ત્યારે
ડામર પર કેસર વેરતો સૂરજ સામો જડે.

ટાઉનહોલને નાકે
શાકભર્યા સંસારને થેલે ભરી
કપડાં,રેસ્ટોરાં અને ચંપલની હોસ્ટેલમાં પગ મૂકવાનો

જૂનવાણી મંશા ફૂટ કાઢે ત્યાં
ઝૂમઝૂમાટ બાઈક મંછાબાની હવા ઉડાવી લે
એવામાંય કેટલાક ગનાની ધજા લઇ ઉડે
ને ફકીરા રામકૃપાએ ફાકી મારે

એપ્રિલનું જાગરણ વટાવવા વિદ્યાનગર મેમાં ઊંઘે છે
ચોમાસાના વર્તારા વગર જૂનમાં ચૂવે છે.